Komunikata e zyrës së Vuçiqit: Ambasadorët e Quint-it dorëzuan një dokument për Kosovën, përmendet eskalimi i situatës në veri

  • E.K /
  • 21 October 2022 - 14:23
Komunikata e zyrës së Vuçiqit: Ambasadorët e Quint-it dorëzuan një dokument për Kosovën, përmendet eskalimi i situatës në veri

Zyra e presidentit të Serbisë Aleksandar Vuçiq, ka lëshuar komunikatë për media. Aty thuhet se ai ka biseduar me ambasadorët e Quint-it dhe shefin e delegacionit të BE-së, të cilët i kanë dorëzuar një dokument të përbashkët në të cilin shprehin shqetësimin e tyre për rrënimin e mundshme të stabilitetit në rajon, në prag të afatit për riregjistrimin e automjeteve me targa të Serbisë në Kosovë.

Vuçiq tha se ndan shqetësimin për tensionet e mundshme, duke shtuar se Serbia “është e përkushtuar ndaj dialogut si mënyrë për zgjidhjen e çështjeve të hapura, në të mirë të serbëve dhe shqiptarëve që jetojnë në Kosovë, pa rrezikuar interesat e tyre shtetërore dhe kombëtare”, thuhet në deklaratën e zyrës së Vuçiqit.

“Ai theksoi se tensionet aktuale kanë lindur për shkak të lëvizjeve të njëanshme të Prishtinës, si dhe për faktin se Prishtina nuk i respekton dispozitat e Marrëveshjes për Lirinë e Lëvizjes, e nënshkruar  me ndërmjetësimin e BE-së. Ambasadorët e Quint-it dhe shefi i Delegacionit të BE-së falënderuan Vuçiqin për angazhimin konstruktiv të Serbisë në përmbushjen e Udhërrëfyesit për zbatimin e marrëveshjes për energjinë, në kuadër të dialogut me Kosovën”, thuhet në njoftimin për media të zyrës së Presidentit serb.

(Kosova Sot Online)