“Shtëpia më e shtrenjtë në botë” ka një sekret të pabesueshëm, askush nuk dëshiron ta blejë

  • E.K /
  • 29 October 2022 - 13:29
“Shtëpia më e shtrenjtë në botë” ka një sekret të pabesueshëm, askush nuk dëshiron ta blejë

“Shtëpia më e shtrenjtë në botë” ka dalë në ankand për herë të katërt pas tre përpjekjeve të mëparshme të pasuksesshme për t’u shitur.

Casino dell’Aurora në Romë është e vetmja ndërtesë në botë me një tavan që është pikturuar nga artisti legjendar, Michelangelo Merisi da Caravaggio.

Piktori i mirënjohur, i cili shpesh quhet thjesht si Caravaggio, lindi në Itali në vitin 1571 dhe u nda nga jeta në moshën 38-vjeçare.

Me 30,000 metra katrorë, prona e shekullit të 16-të dikur ishte një shtëpizë gjuetie. Mediat e huaja shkruajnë se në tre përpjekjet e mëparshme për ankand, me urdhër të gjykatës, nuk u vendos asnjë ofertë e vetme – që do të thotë se çmimi i tij rezervë është ulur në një përpjekje për ta shitur atë.

Por nëse do të shpresonit për një marrëveshje pazari, atëherë mund të zhgënjeheni sepse oferta ende fillon me 155 milion paund, me një çmim minimal të kërkuar prej 207 milion paund.

Dhe nëse oferta rritet këtë herë, siç shpresojnë autoritetet italiane, çmimi i shitjes së tij mund të rritet ndjeshëm akoma më shumë.

Vlera e tij marramendëse vjen kryesisht nga kryevepra e tij artistike, megjithatë, ajo përmban gjithashtu vepra arti nga Bril, Domenichino, Pomarancio, Viola dhe Guercino.

Ajo gjithashtu ka një skulpturë që besohet të ketë qenë nga Michelangelo dhe një shkallë të zbukuruar të projektuar nga Carlo Maderno.

Për t’i bërë kostot edhe më të mëdha, kushdo që e blen është i detyruar nga ligjet italiane të trashëgimisë të shpenzojë 9 milionë paund për restaurimin e tij.

Por Villa Aurora vjen edhe me një histori të zymtë. Është në treg pas një mosmarrëveshjeje të ashpër trashëgimie nga viti 2018, ku Princi Nicolò Boncompagni Ludovisi ndërroi jetë, në vilën që ka qenë e familjes së tij për 400 vjet.

Grindjet midis gruas së tij të tretë dhe tre djemve më të mëdhenj e kanë parë atë të dalë në treg . Ata nuk mundën të arrinin një marrëveshje, e si pasojë u urdhërua nga gjykatat që të hidhej në ankand.

Duke folur për NPR, Princesha Rita Boncompagni-Ludovisi, gruaja e tretë e princit, tha: “Duhet të jesh një miliarder; një milioner nuk mjafton për këtë”.

(Kosova Sot Online)