LDK: Kosovës i duhet udhëheqje e matur që nuk bjen në grackat destabilizuese të Serbisë

Lidhja Demokratike e Kosovës, lidhur me zhvillimet e fundit në veri i ka kërkuar Qeverisë Kurti për koordinim të ngushtë me ShBA-të dhe aleatët tjerë evropianë, shkruan "Kosova Sot Online".

"LDK-ja i fton qytetarët në veri për qetësi; ndërsa institucionet e Republikës për koordinim të ngushtë me ShBA-të dhe aleatët tjerë evropianë", thuhet në komunikatën e LDK-së.

Lexoni edhe:

Politika e Aleksandër Vuçiqit kundër Kosovës trashëgimi besnike e ruajtur dhe kultivuar që nga koha e regjimit okupues të Millosheviqit

Komunikata e plotë:

Në kohën e zhvillimeve të fundit në veri të vendit, Kosovës i duhet udhëheqje e matur që nuk bjen në grackat destabilizuese të Serbisë, por që synim ka integrimin e vazhdueshëm e të plotë të serbëve të Kosovës e që mjet të domosdoshëm ka koordinimin e ngushtë me aleatë ndërkombëtarë. Politikat populliste, me synim turmat partiake para interesave madhore nacionale, i sjellin Kosovës dëme afatgjate dhe regres në arenën ndërkombëtare.

LDK-ja i fton qytetarët në veri për qetësi; ndërsa institucionet e Republikës për koordinim të ngushtë me ShBA-të dhe aleatët tjerë evropianë.

Moskoordinimi me aleatët tanë ndërkombëtarë nga institucionet e Republikës së Kosovës, i nxitë dhe shërben agjendat destabilizuese e provokuese në territorin e Kosovës. Pasojat e një destabilizimi të tillë janë të pariparueshme për vendin.

LDK – Zyra për Informim

(Kosova Sot Online)