Tërhoqi zvarrë me veturë 21-vjeçaren greke, shqiptari: U largova se kisha frikë
Në Selanik të Greqisë, Një 26 vjeçarë me origjinë shqiptare ka përplasur me veturë 21-vjeçaren greke, transmeton "Kosova Sot Online".
Ai ka thënë se e ka humbur kontrollin dhe se për shkak të frikës është larguar nga vendi i ngjarjes.
“Nuk vrapova, por humba kontrollin e makinës. Nuk jam kthyer mbrapsht, jam larguar se kam qenë i frikësuar”, tha ai.
“Vajza zgjodhi të kalojë një pikë ku nuk kishte vendkalim për këmbësorë, ndërkohë që ekziston në një distancë prej 20 metrash nga vendi i aksidentit. Këmbësori është hedhur me shpejtësi në rrugë. Klienti im u përpoq të frenonte, u përpoq të manovronte për ta shmangur atë dhe bëri atë që mund të bënte secili prej nesh”, tha avokati i 26-vjeçarit.
(Kosova Sot Online)