Vetura shkel këmbësorin në rrugën Prishtinë-Ferizaj
Në rrugën Prishtinë-Ferizaj, një këmbësor është shkelur nga një veturë, përcjell "Kosova Sot Online".
Këmbësori ka pësuar lëndime trupore dhe është dërguar për trajtim mjekësor.
“Rreth orës 10:00 kemi pranuar informatën se në rrugën Prishtinë -Ferizaj, ka ndodhur një aksident trafiku me lëndime. Në këtë aksident kanë qenë të përfshirë, një këmbësor dhe një veturë në lëvizje. Si pasojë e aksidentit lëndime trupore ka pësuar këmbësori, i cili është dërguar për tretman mjekësor. Me rastin po merret njësiti i trafikut”, tha Ahmeti
(Kosova Sot Online)
