Lexoni edhe:
Asnjë kompromis në dëm të integritetit dhe sovranitetit të shtetit
Odisejada e pritjes së liberalizimit të vizave pritjet e fundi pas një viti
Ndër temat më të përfolura edhe gjatë viteve që lamë pas, e sidomos vitin e fundit 2022, ka qenë liberalizimi i vizave. E edhe kësaj radhe, sikurse çdo fundvit, kosovarët kanë pritur se do të mund të lëvizin pa viza, transmeton "Kosova Sot Online". Por, kësaj teme të gjatë, më në fund pritet t’i vije fundi fiks pas 1 viti, ose pak më herët nëse hyn në fuqi sistemi ETIAS.
Kësisoj, 2024 pritet që t’i gjejë edhe kosovarët jashtë izolimit, sikurse të gjithë qytetarët e rajonit e Evropës.
Përfaqësues të vendeve anëtare të BE-së u pajtuan me propozimin që liberalizimi i vizave për Kosovën të hyjë në fuqi më 1 janar të vitit 2024.
Pajtimi u arrit në një takim të këshilltarëve për viza të martën në Bruksel.
Kjo datë ishte kërkesë e Spanjës – njërit prej pesë vendeve të BE-së që nuk e njeh ende pavarësinë e Kosovës.
Paraprakisht, Republika Çeke – e cila aktualisht udhëheq presidencën gjashtëmujore të BE-së – kërkoi që liberalizimi i vizave për Kosovën të fuqizohet më 1 dhjetor të vitit 2023.
Por, ky propozim nuk kaloi në një takim të grupit punues të BE-së për vizat, që u mbajt javën e kaluar, pasi Spanja e më pas edhe Sllovakia dhe Suedia paraqitën vërejtje dhe kërkuan, siç thanë, sqarime shtesë. Arsyet e tyre nuk u bënë të qarta.
Sipas propozimit të miratuar të martën, “hyrja në fuqi e liberalizimit të vizave për qytetarët e Kosovës do të nisë në kohën kur të jetë funksional sistemi i udhëtimit ETIAS, por jo më vonë se më 1 janar të vitit 2024”.
Asnjë kompromis në dëm të integritetit dhe sovranitetit të shtetit
Lexoni edhe:
Miratimi i këtij propozimi do të jetë në rend dite në takimin e ambasadorëve të vendeve anëtare të BE-së, që do të mbahet të mërkurën.
Liberalizimi i vizave do t’u mundësojë qytetarëve të Kosovës të udhëtojnë lirshëm në atë që njihet si zona Schengen, e që përbëhet prej 26 shtetesh evropiane.
(Kosova Sot Online )
