Lexoni edhe:
Moti befason në ditët e vikendit
Norvegjia armatoset me tanke “Leopard” nga Gjermania, ka blerë 50 të tilla
Norvegjia do të porosisë 54 tanke të reja “Leopard 2” nga koncerni gjerman i armatimit Krauss-Maffei Wegmann. Skandinavët gjithashtu kanë një opsion për të blerë 18 tanke të tjera.
Norvegjia do të porosisë 54 tanke të reja “Leopard 2” nga koncerni gjerman i armatimit Krauss-Maffei Wegmann. Skandinavët gjithashtu kanë një opsion për të blerë 18 tanke të tjera.
Sipas qeverisë, blerja ndodhet brenda kuadrit buxhetor prej 19.7 miliardë koronash norvegjeze (rreth 1.8 miliardë euro) të vendosur nga parlamenti. Kjo kornizë mbulon më shumë sesa blerjen aktuale të tankeve. Çmimi i negociuar i blerjes nga Gjermania u mbajt i fshehtë.
Tashmë 36 “Leopard”-e në depo
Parlamenti norvegjez e kishte miratuar blerjen e tankeve të reja luftarake në vitin 2021. Vendi skandinav jo anëtar i BE-së shqyrtoi më pas disa modele të ndryshme tankesh, duke përfshirë Hyundai Rotem K2 Black Panther të Koresë së Jugut.
Prandaj edhe zgjedhja e prodhuesit të Mynihut kishte një rëndësi gjeostrategjike. Kohët e fundit, Polonia, anëtare e BE, vendosi ta pajisë arsenalin e saj të tankeve jo më me tanke Leopard, por me modelin e Koresë së Jugut. Kjo ngjalli irritim në Gjermani. “Shpresojmë që norvegjezët të mos bëjnë të njëjtin gabim,” tha atëherë për gazetën “Merkur” Ralf Ketzel, kreu i koncernit të armatimit Kraus-Maffei Wegmann.
Sipas mediave norvegjeze, zgjedhja përfundimisht u bë për “Leopard 2A7” të Gjermanisë, jo për tankun koreanojugor të Hyundai Rotem “K2 Black Panther”.
Norvegjia ka aktualisht 36 tanke “Leopard” të tipit më të vjetër 2A4. Qeveria e Störe ka njoftuar se disa prej tyre do t’ia japë Ukrainës – ende është e paqartë se sa./DW/
(Kosova Sot Online )
