Edhe mediat franceze: Charles McGonigal u rrëzua nga lakmia
‘Lakmia e Charles McGonigal ishte edhe rënia e tij’. Ky është titulli i francezes “Le Monde”, e cila ka treguar se si ish-agjenti i FBI ka pasur akses ne informacionet sensitive dhe bashkëpunimi i tij me Oleg Deripaskën
Pas mediave amerikane angleze, holandeze dhe gjermane, edhe prestigjiozet franceze i kanë kushtuar tituj kryesorë skandalit të ish-agjentit të FBI, Charles McGonigal, i cili akuzohet për bashkëpunimin me një oligark rus.
Lakmia e Charles McGonigal ishte edhe rënia e tij. Kështu e nis artikullin e saj e përditshmja franceze ‘Le Monde’, lidhur me këtë skandal.
‘Le Monde’ shkruan se si një zyrtar i lartë i FBI, theu sanksionet e SHBA dhe bashkëpunoi me një miliarder rus.
“Niveli i informacionit sensitiv në të cilin kishte akses McGonigal dhe dyshimet mbi të në dy hetime të veçanta i ka dhënë rrugëtimit të tij drejt kësaj situate një dimension të jashtëzakonshëm”, shkruhet në artikull.
Gazeta ka cituar edhe zëvendësdrejtorin e zyrës së FBI-së në Nju Jork, Michael Driscoll,i cili ka folur si oligarkët rusë si Oleg Deripaska kryejnë ndikim malinj global në emër të Kremlinit dhe janë të lidhur me akte ryshfeti, zhvatjeje dhe dhune.
Deripaska ka qenë në listën e rusëve nën sanksionet e SHBA-së që nga viti 2018.
Agjenti special McGonigal, 54 vjeç, ka punuar për FBI-në midis 1996 dhe 2018. Gjatë dy viteve të fundit, ai ishte në krye të divizionit të kundërzbulimit në zyrën e Nju Jorkut.
Në këtë cilësi, ai ‘mbikëqyri dhe mori pjesë në hetimet e oligarkëve rusë, përfshirë miliarderin Deripaska’.
(Kosova Sot Online)
