Lexoni edhe:
Marrëveshja me Serbinë në interes të Kosovës po rrezikon të sabotohet nga snajperisti i Millosheviqit, Vuçiqi, miku i ngushtë i Edvin Ramës dhe Baton Haxhiut
Biden dhe Von Der Leyen zhvillojnë takim në Shtëpinë e Bardhë, diskutojnë për dialogun Kosovë-Serbi
Presidentja e Komisionit Evropian, Ursula Von Der Leyen të premten është pritur në takim nga Presidenti i Shteteve të Bashkuara të Amerikës, Joe Biden me të cilin kanë biseduar për shumë çështje, pa e harruar edhe procesin e dialogut në mes të Kosovës dhe Serbisë, transmeton "Kosova Sot Online ".
Von Der Leyen në konferencën e mbajtur për media pas takimit që ka pasur në Shtëpinë e Bardhë, ka konfirmuar se kanë folur shkurtimisht me Joe Biden edhe për dialogun Kosovë-Serbi.
Ajo ka thënë se është shumë e rëndësishme që dialogu po vazhdon. Shejfa e Komisionit Evropian ka thënë se sigurisht që nuk është një proces i lehtë dhe se ka shumë çështje për t’u zgjidhur.
Politikania gjermane ka potencuar se procesi po lëviz në drejtimin e duhur dhe ka përkrahjen e plotë edhe të SHBA-së edhe të Bashkimit Evropian.
“E kemi prekur këtë temë shkurtimisht. Është shumë e rëndësishme që dialogu Kosovë-Serbi vazhdon. Nuk është e lehtë. Ka shumë çështje për t’u zgjidhur, por po lëviz në drejtimin e duhur dhe ka mbështetje të plotë nga të dy palët për këtë dialog”, ka thënë Von Der Leyen.
(Kosova Sot Online )
