Fejzullahu: Ja pse erdhi vendimi për rritjen e tarifave të energjisë elektrike në Kosovë

Vendimi për rritjen e tarifave të energjisë elektrike për rreth 15 përqind, është një rritje minimale për të siguruar energji elektrike të vazhdueshme për këtë vit dhe 3 muajt e parë të vitit të ardhshëm, ka deklaruar kryesuesi i Bordit të Zyrës së Rregullatorit për Energji, Ymer Fejzullahu, transmeton gazeta “Kosova Sot Online”.

Ai theksoi se po të mos kishte ndodhur kjo rritje atëherë do të ishim përballur me reduktime të rrymës.

“Kjo rritje është rritje minimale për të reflektuar që të kemi energji elektrike të vazhdueshme për tërë këtë vit, dhe 3 muajt e vitit 2024. Konsumatorët të cilët shpenzojnë deri në 350 kw rritja do të jetë për një muaj rreth 3 euro. Konsumatorët të cilët shpenzojnë më shumë se 600 kë do të paguajnë rreth 5 euro e 50 cent.

Po aktualisht edhe propozimi i bordit ishte që të kemi rritje lineare, pra njëjtë edhe për ata që shpenzojnë nën dhe mbi 800 kw. Ata që konsumojnë 1000 kw, mund të shpenzojnë mbi 800 kw, fatura do të rritet për rreth 10 euro. Ne kishim mundur që ta ndalojmë këtë rritje, mirëpo pastaj do të kishim reduktime. Pra është e domosdoshme kjo rritje që të mos kemi ndërprerje të energjisë elektrike”, tha Fejzullahu.

(Kosova Sot Online)