Syla: Ajo që më ndodhi ka të bëjë me reagimet e mia rreth ‘Mulla Mercedesit’

Për sulmin që iu bë mbrëmë nga tre persona, në hyrje të një lokali në Breg të Diellit, ka reaguar gazetari Valon Syla, transmeton gazeta “Kosova Sot Online”.

 Nga sulmi ka thënë se ka marrë lëndime të rënda në kokë dhe në dorën e majtë.

Sipas tij, sulmi ka të bëjë me reagimet e tij lidhur me veturën që iu dhurua hoxhës Mazllam Mazllami.

“Ishim në debat te Lleo në Pressing, dhe sulmuesit na kishin percjellur prej se kemi dale nga ndertesa e T7 duke na u percjedhur me veturë nga pas, deri te vendi ku jemi ndalur, une Ilir Mirena dhe Leonard Kerquki per takim edhe me disa gazetare te tjere pas debatit.

Kete here e kishim zgjedhur kafiterinë Image në Breg të Diellit per tu takuar. Dhe pikërisht para shkalleve duke hy ne lokal u sulmova nga 3 persona, në dukje islamik fanatik.

Sulmi me çdo gjase ka të bëjë me reagimet e mia rreth ‘Mulla Mercedesit’ dhe ngjarjeve në BIK, qe duket se nuk ju ka pelqyer fare dhe keshtu ka nxitur ketë komunitet te militanteve islamik të organizojne sulm fizik të paramenduar”, ka shkruar Syla.

(Kosova Sot Online)