Kurti flet me emisarin britanik: “Qëllimi i Qeverisë është të sigurojë qasje në zyrat për kryetarët e zgjedhur të komunave"
Kryeministri i Kosovës, Albin Kurti, sot ka pasur një bisedë telefonike me emisarin britanik për Ballkanin Perëndimor, Stuart Peach, pas ngjarjeve që ndodhen dje në veri të vendit, përcjell “Kosova Sot Online”.
Ai tha se do të punojë me shtetet aleate për ta zbatuar Marrëveshjen Bazë, derisa tha se emisarit britanik ia ka treguar edhe qëllimet e Qeverisë së tij në veri.
“Pata një telefonatë me Lordin Stuart Peach për zhvillimet më të fundit. Theksova se qëllimi i vetëm i Qeverisë sonë është të sigurojë qasje në zyrat për kryetarët e zgjedhur të komunave dhe shpreh angazhimin tim për të punuar me Mbretërinë e Bashkuar dhe aleatët e QUINT-it për zbatimin e menjëhershëm të Marrëveshjes Bazë”, ka shkruar Kurti.
Had a phone call w/ Lord Stuart Peach on the latest developments. Emphasized that our Govt's only intention is to provide access to the offices for the elected mayors & expressed my commitment to work w/ the UK and QUINT allies on a prompt implementation of the Basic Agmt.
— Albin Kurti (@albinkurti) May 27, 2023
(Kosova Sot Online)
