Eskalon situata në Veri: Përplasen KFOR-i dhe protestuesit
Para pak minutash, situata ka eskaluar në Zveçan, transmeton gazeta “Kosova Sot Online”.
Siç raportohet nga vendi i ngjarjes, ka pasur përplasje mes ushtarëve të KFOR-it dhe protestuesve. Janë parë edhe disa ushtarë të lënduar të KFOR-it gjatë përplasjeve.
Nga pamjet e publikuara nga mediat lokale, dëgjohen edhe krisma, që nuk dihet se nga vijnë.
Më herët së KFOR-i ndërhyri për shpërndarjen e protestuesve në Zveçan. Paraprakisht i paralajmëroi protestuesit që të shpërndahen, por ata nuk u bindën.
“Ju po shkaktoni trazira. Po e rrezikoni veten dhe komunitetin tuaj. Largohuni nga zona dhe shkoni në shtëpi – në të kundërtën, KFOR-i do të detyrohet të ndërhyjë”, ishte audio-paralajmërimi i KFOR-it.
(Kosova Sot Online)
