CNN: Dhjetëra paqeruajtës të NATO-s u pl*agosën pasi u sulmuan nga serbët në veri të Kosovës
Gjiganti mediatik, CNN, ka publikuar një artikull të gjatë për situatën në Veriun e Kosovës, duke treguar që serbët etnikë sulmuan paqeruajtës e NATO’s në Kosovë, transmeton gazeta "Kosova Sot Online".
”Dhjetëra paqeruajtës të NATO-s u plagosën pasi u sulmuan nga serbët etnikë në veri të Kosovës, gjatë protestave për vendosjen e kryebashkiakëve etnikisht shqiptarë”, nis artikulli i CNN.
Më pas tregohet se dhuna shpërtheu pasi demonstruesit serbë u përpoqën të bllokonin kryetarët e sapozgjedhur të komunave nga marrja e detyrës në qytetin verior të Zveçanit të hënën, pas zgjedhjeve të cilat mediumi i quan të diskutueshme, për shkak të kontestit të tyre.
”Ndërsa kjo lloj dhune kundër paqeruajtësve është e rrallë, tensionet janë rritur në rajon muajt e fundit, të nxitura nga përçarje të thella historike”, thuhet në vazhdim.
Në lidhje me këtë situatë mediumi tregon se NATO-ja ka shtuar numrin e pjesëtarëve të saj, duke iu referuar situatës në Veriun e Kosovës.
Më tutje, CNN-ja raporton kronologjikisht për fillen e problemit aktual që lidhet me zgjedhjet e muajit prill dhe bojkotimit nga Lista Serbe.
Pastaj raportohet për të gjitha protestat nga dita e premte e deri më sot.
(Kosova Sot Online)
