Lexoni edhe:
Udhëheqësit shovinist serb, me shekuj e kanë edukuar popullin serbë kundër të tjerëve, e veçmas kundër shqiptarëve
Zbulohet nga përgjimet telefonike dhe arrestohet për blerje votash në Kavajë, publikohet identiteti
Ditën e djeshme u njoftua arrestimi i 39-vjeçarit Klodian Kapedani, i cili akuzohet për blerje votash.
Mësohet se kanë qenë përgjimet telefonike që kanë zbuluar 39-vjeçarin i cili u arrestua teksa ishte duke lëvizur në këmbë në qytetin e Kavajës, transmeton "Kosova Sot Online".
Bëhet me dije se për të riun nga Kavaja nuk ka pasur asnjë kallëzim nga qytetarë apo subjekte të ndryshme politike, por korrupsioni zgjedhor është zbuluar rastësisht gjatë përgjimeve telefonike të disa personave të tjerë, të cilët janë në hetim nga SPAK për vepra të tjera panale, por që nuk kanë lidhje me korrupsion zgjedhjesh.
Pra, Kapedani ka komunikuar për blerje votash me persona që po përgjohen nga SPAK për llogari të tjera kriminale. Bisedat janë përgjime në linja telefonike standarde, por edhe përmes aplikacioneve të komunikimeve online disa ditë para mbajtjes së zgjedhjeve dhe gjatë datës 14 maj kur shqiptarët iu drejtuan qendrave të votimit për të zgjedhur drejtuesit vendor.
Në këto biseda nuk përmenden shuma konkrete parash në këmbim të votës, por linte takim fizik me ta që t’u jepte paratë që të votonin pro kandidatit që ai mbështeste, ndaj kandidatit të Berishës dhe Metës, Fisnik Qosja, i cili u shpall fitues në Kavajë.
Fisnik Qosja kandidati i Berishës e Metës fitoi me përmbysje garën për kreun e bashkisë së Kavajës kundrejt rivalit socialist Redjan Krajli, me një diferencë pre 855 votash.
(Kosova Sot Online )
