Lexoni edhe:
Me “Deklaratën e Vidovdanit”, përfundon tubimi i serbëve në qendër të Graçanicës
Ja çfarë përmban deklarata e Vidovdanit që u lexua në tubimin e Mitrovicës së Veriu
Në fund të tubimit të serbëve, që u mbajt në Mitrovicën Veriore në sheshin “Vëllezërit Miliq”, ish-kryetari i Komunës së Zveçanit, Dragisha Miloviq, lexoi deklaratën e Vidovdanit, ku thuhet se serbët nga veriu i Kosovës thonë se, “nëse përndjekja ndaj tyre vazhdon, ata do të detyrohen t’u përgjigjen të gjithë atyre që u dëshirojnë dëm dhe që ëndërrojnë luftën në vend të paqes”, transmeton "Kosova Sot Online".
Miloviq tha se serbët e veriut thonë se do të jenë të bashkuar në luftën e tyre për “qëndrim dhe mbijetesë në territorin e Kosovës dhe në mbrojtje të shtëpive dhe familjeve të tyre”.
Në pikën e parë të deklaratës së lexuar janë përmendur të dyshuarit serbë të arrestuar për sulme ndaj gazetarëve dhe pjesëtarëve të KFOR-it. Në këtë deklaratë, këto arrestime janë quajtur “përndjekje”, ndërsa veprimtaria e të dyshuarve për sulme është quajtur “rezistencë”.
Në pikën e dytë të deklaratës, u fol për Asociacionin e komunave me shumicë serbe të Kosovës.
“Ka ardhur koha që të zbardhet e vërteta dhe të thuhet qartë ky Vidovdan – a kemi Asociacion. Përndryshe, ne e dimë se çfarë të bëjmë”, është thënë ndër të tjera në deklaratë.
Tutje, në deklaratë është përmendur përkrahja që po u jep presidenti i Serbisë, Aleksandër Vuçiq.
(Kosova Sot Online )
