Gardiani i burgut mori ryshfet nga familjarët e të burgusorve, arrestohet në flagrancë në Burgun e Dubravës

Policia e Kosovës ka njoftuar se ka arrestuar një mbikëqyrës të lartë në Burgun e Dubravës, pasi që i njëjti dyshohet se ka marrë para nga familjarët e të burgosurve, për tu kryer favore të caktuara, transmeton "Kosova Sot Online ".

“Qendra Korrektuese, Istog 2022 – 2023. Me 30.06.2023 është arrestuar i dyshuari mashkull kosovar zyrtar në QK Dubravë (mbikëqyrës i lartë) nën dyshimin se i njëjti ka kryer veprat e cekura duke marrë ryshfet (rreth 1880 €) nga të burgosurit përmes familjarëve të tyre, për t’ju krijuar favore të caktuara.

Lexoni edhe:

Rama: Kosova e ka në tryezë ofertën më të mirë të mundshme, Serbia të detyrohet ta pranojë planin franko-gjerman

Njësitet policore në koordinim me prokurorin dhe Gjykatën Themelore në Pejë kanë bastisur shtëpinë dhe objekte tjera pronë e të dyshuarit, por nuk kanë gjetur asgjë të dyshuar|, thuhet në njoftim.  Me vendim të prokurorit, i dyshuari pas intervistimit është dërguar në mbajtje, ndërsa rasti është ende në proces hetimi.

(Kosova Sot Online )