Lexoni edhe:
Fifi dhe Young Zerka publikojnë këngën e re “Lali”
Hovenier: SHBA është e përkushtuar që të rinjtë të gjejnë punë në Kosovë
Ambasadori i SHBA-së në Kosovë, Jeffrey Hovenier, pas ceremonisë së hapjes zyrtare të qendrës më të re “Bonevet” në Pejë, ka thënë se ShBA-ja është e përkushtuar që të rinjtë kosovarë të gjejnë punë në vendin e tyre. “‘Bonevet’ ju ofron të rinjve nga Peja mundësi arsimi në fusha të ndryshme. E kam parë ndikimin direkt të ‘Bonevet’ në jetën e shumë të rinjve. Shtetet e Bashkuara të Amerikës janë të përkushtuara ta mbështesin Kosovën e kjo përfshinë edhe mbështetjen për të rinjtë që të gjejnë punë pikërisht në Kosovë. Shpresojmë se të rinjtë e talentuar kosovarë të arrijnë që të përdorin shkathtësitë e fituara këtu”, ka thënë Hovenier.
I pranishëm ishte edhe kryetari i komunës së Pejës, Gazmend Muhaxheri. “Bonevet” është organizatë multidisiplinare, e cila merret me zhvillimin, aftësimin dhe praktikën e njohurive të ndryshme arsimore e teknologjike për fëmijë dhe të rritur. Deri më tani kjo organizatë ka pasur degë në Prishtinë e Mitrovicë.
(Kosova Sot Online )
