Lexoni edhe:
Komuna e Lipjanit i pezullon aktivitetet verore pas vrasjes së trefishtë
Familja merr vendimin: Sot varrosen tre anëtarët e vrarë të familjes Bekteshi
Sot në orën 19:00 do të varrosen tre anëtarët e familjes Bekteshi, që u vranë mbrëmë, transmeton "Kosova Sot Online".
Lajmin e ka konfirmuar djali/ vëllai i tyre.
Ai ka shkruar se varrimi do të bëhet në fshatin Rufc të Lipjanit.
Sot, përmes raportit 24-orësh, Policia ka thënë se raportohet që burri ka vrarë gruan dhe djalin e më pas ka kryer vetëvrasje.
Në vendin e ngjarjes janë gjetur dhe sekuestruar një revole dhe 4 gëzhoja, ndërsa në një dhomë të shtëpisë është gjetur dhe sekuestruar edhe një revole tjetër me dy fishekë.
Rasti po vazhdon të hetohet.
“VRASJE E RËNDË & VETËVRASJE – Fsh. Rufc i Vjetër, Lipjan 28.07.2023 – 16:25. Raportohet se i dyshuari mashkull kosovar ka vrarë bashkëshorten dhe djalin e tij e më pas ka kryer vetëvrasje. Njësitë relevante policore dhe prokurori i shtetit kanë dalë në vendin e ngjarjes. Në vendin e ngjarjes janë gjetur dhe sekuestruar një revole e cila dyshohet se janë përdorur në rast dhe 4 gëzhoja. Gjatë kontrollit në një dhomë të shtëpisë është gjetur dhe sekuestruar edhe një revole tjetër me dy fishekë. Me urdhër të prokurorit trupat e pa jetë janë tërhequr nga zyrtarët e IML-së. Rasti vazhdon të hetohet.”
(Kosova Sot Online )
