Lexoni edhe:
Gjykata Speciale paralajmëron një vjeshtë të nxehtë me arrestime të reja të ish pjestarëve të UÇK-së të dyshuar për shkeljen e ligjeve të luftës
Ministrja Haxhiu reagon pas dënimit të Dardan Krivaqës e Arbër Sejdiut: Gjykim i drejtë për krimin mizor
Me një seancë publike, Gjykata Themelore e Ferizajt e ka dënuar sot Dardan Krivaqën me burgim të përjetshëm dhe Arbër Sejdiun me 15 vjet burg, për vrasjen e 18-vjeçares, Marigona Osmani, transmeton "Kosova sot Online".
Pas këtij vendimi ka reaguar edhe Ministrja e Drejtësisë, Albulena Haxhiu, në përkrahje të vendimit, duke thënë se është “gjykim i drejtë për krimin mizor”.
Haxhiu ka thënë se uron që drejtësia ndaj rasteve të dhunës e vrasjeve të grave të jetë në nivelin më të lartë professional, “duke shqiptuar dënimet më meritore, të pa ndikuara dhe të pa ngarkuara nga mendime provinciale e patriarkale siç kemi parë në të kaluarën.”
Krivaqa e Sejdiu akuzoheshin edhe për dhunim dhe ndihmë në kryerje të dhunimit, por Gjykata i ka liruar nga akuza, “meqë në asnjë provë të vetme nuk është vërtetuar se i akuzuari e ka kryer këtë vepër penale.”.
“I akuzuari Dardan Krivaqa lirohet nga akatkuza për veprën penale “Dhunimi”, meqë në asnjë provë të vetme nuk është vërtetuar se i akuzuari e ka kryer këtë vepër penale. I akuzari Arbër Sejdiu lirohet nga aktakuza për veprën penale “Ndihmë në kryerje të veprës penale Dhunimi”, meqë në asnjë provë të vetme nuk është vërtetuar se i akuzuari e ka kryer këtë vepër penale”, ka thënë kryetari i trupit gjykues.
(Kosova Sot Online )
