Lexoni edhe:
Ndryshim serioz në Qeverinë Kurti: Pas largimit të Armend Mehajt, drejtimin e Ministrisë së Mbrojtës e merr Ejup Maqedonci
Maqedonci e konfirmon zyrtarisht se e ka marrë detyrën e Ministrit të Mbrojtjes
Koloneli Ejup Maqedonci, më 8 gusht ka marrë detyrën e ministrit të Mbrojtjes, pas largimit të Armend Mehajt nga ky post, transmeton "Kosova Sot Online".
Maqedonci e ka konfirmuar vetë këtë lajm për Radion Evropa e Lirë.
Maqedonci doli në pension të parakohshëm nga Forca e Sigurisë së Kosovës në korrik të këtij viti. Ai ka qenë pjesëtar i Ushtrisë Çlirimtare të Kosovës në Zonën Operative të Llapit.
Më pas si pjesë e Trupave Mbrojtëse të Kosovës (TMK) ka shërbyer për një dekadë si komandant i batalionit për kërkim-shpëtim.
Maqedonci më pas ka vazhduar detyrën e shefit të departamentit të operacioneve dhe trajnimeve në Shtabin e Përgjithshëm të FSK-së.
Pas pensionimit, Mehaj i ka ndarë Maqedoncit “Medaljen e Karrierës” për kontributin e dhënë për formimin, ristrukturimin dhe modernizimin e FSK-së.
Mehaj kishte ardhur nga Norvegjia për t’u bërë pjesë e Qeverisë së Kosovës, të udhëhequr nga Albin Kurti, e cila u votua në mars të vitit 2022.
(Kosova Sot Online )
