Kërcënimi ndaj Kurtit, Klinaku: Nuk bëhet fjalë se do të ndodhë ndonjë vrasje apo kurrfarë kërcënimi,nuk bëhet fjalë që unë ta lëshoj Kosovën

Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës, Faton Klinaku ka thënë se deklarata e tij ku përmendi vrasjen e Kryeministrit të Kosovës, Albin Kurti është më shumë hipotetike sesa që ka mundësi të ndodhë ndonjëherë, përcjell “Kosova Sot Online”.

Klinaku ka treguar se nuk bëhet fjalë se do të ndodhë ndonjë vrasje apo kurrfarë kërcënimi.

“Duhet të flasim pak më ndryshe sepse nuk jemi të një niveli të pashkolluar gjë që më vie keq prej njerëzve që nuk e shohin atë në një status që më shumë është hipotetike sesa që do të ndodhë diçka sesa njerëzit ekzagjerojnë gjëra që qëllimin kryesor e kanë luftën ndaj vlerave të UÇK-së”, ka deklaruar ai.

“Nuk bëhet fjalë se do të ndodhë ndonjë vrasje apo kurrfarë kërcënimi. Nuk bëhet fjalë që unë ta lëshoj Kosovën. Deklarata të tilla kamë përmendur edhe ndaj Ramushit, Hashimit, Avni Klinakun e të tjerë. Edhe në raport me vetën unë do të zgjidhja Kosovën”, ka deklaruar ndër të tjera Faton Klinaku.

(Kosova Sot Online)