Ja kush thotë: Rusia nuk ka më trupa për të nisur një ofensivë tokësore nga Bjellorusia

“Rusia ka zhvendosur shumicën e njësive të saj të trajnimit në Bjellorusi në zona të tjera dhe nuk ka më forca tokësore të mjaftueshme për të nisur një ofensivë nga territori i aleatit të saj”, transmeton gazeta “Kosova Sot Online”.

Kështu u shpreh të enjten një zyrtar kufitar ukrainas, shkruan CNN.

“Rusia nuk ka një grup ushtarësh në territorin e Bjellorusisë që do të ishte gati dhe në gjendje të pushtonte territorin e Ukrainës”, tha Andrii Demchenko, një zëdhënës i Shërbimit Shtetëror të Rojës Kufitare të Ukrainës, gjatë një konference në Kiev.

“Në këtë pikë, Rusia ka tërhequr pothuajse të gjitha njësitë e saj që janë trajnuar dhe kanë përfunduar rotacionin e tyre. Megjithatë, asnjë njësi e re nuk është vendosur atje”, theksoi Demchenko.

(Kosova Sot Online)