Lexoni edhe:
Gjykata anulon vendimin për zgjedhjen e 5 anëtarëve të KD të UP-së, a do të luhatet karriga e rektorit?
Shtyhet seanca për ekstradimin e ish luftëtarit të UÇK-së, Dritan Goxhaj
Seanca gjyqësore për ekstradimin e ish luftëtarit të UÇK-së, Dritan Goxhaj është shtyrë për datën 19 shtator, transmeton "Kosova Sot Online".
Shkak u bë kërkesa e avokatëve mbrojtës për zëvendësimin e gjyqtares Alma Kolgjoka me argumentin se është në konflikt interesi për të shqyrtuar kërkesën për ekstradim.
Mësohet se gjykata ka vendosur që të mos e zëvendësojë gjyqtaren Kolgjoka, e cila do të jetë ajo që do të dëgjojë sot kërkesën për ekstradim të ish luftëtarit drejt Kosovës.
Dritan Goxhaj u arrestua me 31 korrik në Tiranë me kërkesë të Prokurorisë Speciale në Hagë dhe dyshohet për veprat penale pengim i punës së zyrtarëve dhe frikësim i dëshmitarëve sipas Kodit Penal të Republikës së Kosovës.
Gjykata e Hagës ka kërkuar ekstradimin e ish-anëtarit të Ushtrisë Çlirimtare të Kosovës pasi ky i fundit akuzohet se ka kërcënuar dëshmitarët e luftës së Kosovës që të mos flasin për gjyqin që po bëhet në Hagë.
Goxhaj është djali i ish-zv.shefit të Shtabit të UÇK dhe kolonelit të njohur nga Shqipëria, Dilaver Goxhaj. Ai iu bashkua vullnetarisht luftës në Kosovë dhe ka qenë shoqërues i trupave amerikane gjatë vitit 1999.
(Kosova Sot Online )
