Gjilan: Policia i dënon me nga 150 euro dhe ndalim të vozitjes për tre muaj dy vozitës

Njësiti rajonal i komunikacionit rrugor në Gjilan në dy raste në ndara ka hasur në dy kundërvajtës në trafik të cilët kanë bërë tejkalime në vijë të plotë, përcjell “Kosova Sot Online”.

Me këto veprime kanë rrezikuar pjesëmarrësit e tjerë në komunikacion dhe kanë rënë ndesh me ligjin për rregullat në trafikun rrugor.

Të dy ngasëit veç e veç janë shqiptuar gjoba në vlerë prej 150 euro dhe masa të përkohshme të ndalim vozitjes në afat prej tre muajsh.

“Drejtoria Rajonale e Policisë në Gjilan, apelon vozitësit që të i respektojnë normat dhe ligjet e trafikut rrugor, po ashtu inkurajon mediat dhe qytetarët që për të gjitha kundërvajtjet që mund të shkaktohen në komunikacion të njoftojnë Stacionin më të afërm të Policisë, apo përmes aplikacionit digjital “Lajmëro Policinë’’, E-mail: [email protected] dhe numrat kundestarë:192; 0385045047001”, thuhet në njoftimin e policisë.

1 / 1

(Kosova Sot Online)