Serbia pretendon se një nga terroristët u vra pasi ishte i plagosur
Drejtori i të ashtuquajturës zyrë për Kosovën në qeverinë serbe, Petar Petkoviq, është munduar sërish të argumentojë se serbët që e sulmuan Policinë e Kosovës para një jave u vranë pa rezistuar, përcjell “Kosova Sot Online”.
Petkoviq ka treguar një fotografi, ku pretendon se shihet Bojan Mijailoviq, një serb i vrarë të dielën e 24 shtatorit në Banjskë të Zveçanit.
Sipas tij dëshmohet se “Mijailoviq është vrarë derisa ishte shtrirë i plagosur”.
“Dëshmitë tregojnë qartë se ai është vrarë derisa ishte shtrirë në shpinë”, përsëriti disa herë Petar Petkoviq.
(Kosova Sot Online)
