Osmani flet me Kryeministrin e Holandës për situatën e sigurisë në vend: Serbia të mbahet përgjegjëse për aktin e saj terrorist
Presidentja e Kosovës, Vjosa Osmani, ka biseduar me Kryeministrin e Holandës, me të cilin ka folur për situatën e sigurisë në vend, pas sulmit terrorist ndaj Policisë së Kosovës më 24 shtator, përcjell “Kosova Sot Online”.
Osmani ka thënë se gjatë bisedës me Rutte ka theksuar domosdoshmërinë që Serbia të mbahet përgjegjëse për për aktin e saj terrorist dhe aktin e agresionit kundër Kosovës, i cili paraqet kërcënim për paqen dhe sigurinë në të gjithë rajonin.
“Në EPC pata një shkëmbim me kryeministrin holandez @markrutte për situatën e sigurisë në vendin tonë. Theksova domosdoshmërinë që Serbia të mbahet përgjegjëse për aktin e saj terrorist dhe aktin e agresionit kundër Kosovës, i cili paraqet kërcënim për paqen dhe sigurinë në të gjithë rajonin”, ka shkruar Osmani në platformën “X”.
At EPC, I had an exchange with Dutch Prime Minister @markrutte on the security situation in our country.
— Vjosa Osmani (@VjosaOsmaniPRKS) October 6, 2023
Stressed the necessity to hold Serbia accountable for its terrorist act and act of aggression against Kosovo, which poses a threat to peace and security in the entire region. pic.twitter.com/8DFmOfc3D1
(Kosova Sot Online)