Tërmkolli: Opozita po luan 'cic-mic' duke imituar Ramën i cili nuk shqetësohet për fatin e Kosovës por për 'besimtarët' e Kurtit

Kryeministri i Kosovës, Albin Kurti po sillet rreth tri alternativave, që janë zbatimi i dokumentit nga pesëshja, të provokojë bashkë me Vuçiqin një shpërthim të ri të situatës në Veri për ta bërë Asociacionin fakt të kryer dhe që të japë dorëheqje për të shkuar në zgjedhje të reja, ka deklaruar ish-deputetja Melihate Tërmkolli, transmeton gazeta “Kosova Sot Online”.

Sipas saj, ndërkohë që populli është në “kllapi”, opozita po luan cic-mic duke imituar kryeministrin Edi Rama me “pod-cast”, të pa shqetësuar dhe patrazuar për fatin e Kosovës.

Reagimi i plotë:

Albin Kurti po sillet e mbështillet qe sa kohë, e edhe sot rreth tri alternativave:

Të zbatojë pikë për pikë dokumentin e dorëzuar nga BE dhe SHBA (“pesëshja”) për asociacionin (“Zajednicën”), për të cilin dokument nuk din askush nga publiku se çka përmban.

Të provokojë bashkë me Vuçiqin shpërthim të ri të situatës në veri, për ta bërë atë (“asociacionin”) fakt të kryer.

Të japë dorëheqje, të mbajë zgjedhje të reja!

Ndërkohë që populli është në ”kllapi”, opozita po luan “cic-mic” duke imituar Edi Ramën me “pod-cast”, e pashqetësuar dhe e patrazuar për fatin e Kosovës por me hallin e “besimtarëve” të Albinit!

(Kosova Sot Online)