Takimi i NATO-s, Rama: Mblidhemi në një moment krizash të rënda, mund të rrezikojnë rajonin

Kryeministri i Shqipërisë, Edi Rama ndodhet në Shkup, në kuadër të takimit të liderëve të pesë vendeve anëtare të NATO-s nga Europa Juglindore, përcjell “Kosova Sot Online”.

Rama uroi në shqip shqiptarët e Maqedonisë së Veriut në “ditën e bekuar të alfabetit”.

Rama: Së pari, dëshiroj që në gjuhën shqipe t’u uroj shqiptarëve, këtu në Maqedoninë e Veriut ditën e bekuar të alfabetit. Nga ana tjetër, më vjen shumë mirë që ne mblidhemi këtu, në një moment jo të lehtë për të gjithë, në një moment krizash të rënda që kanë potencialin të rrezikojnë drejtpërdrejt edhe rajonin tonë. Në një moment kur këtu në rajon të gjithë duhet të fokusohemi te mbrojtja dhe ruajtja e asaj që kemi arritur, që është jo pak, një paqe dhe të kemi të gjitha forcat për ta bërë këtë paqe përfundimtare dhe të qëndrueshme

(Kosova Sot Online)