Kurti: Ushtrinë e kemi më të fortë se kurrë, i kemi ndarë buxhet dyfish më shumë krahasuar me atë që kishte
Në mbledhjen e fundit të qeverisë në Prishtinë, ushtria dhe buxheti i dedikuar për modernizimin e FSK-së kanë qenë në fokusin e kryeministrit të Kosovës, Albin Kurti, përcjell “Kosova Sot Online”.
Duke folur për arritjet në 2/3 e mandatit të tij qeverisës, Kurti tha se Kosova e ka ushtrinë më të fortë se kurrë më parë.
Tutje, Kurti ka treguar se kanë ndarë buxhet dyfish më shumë krahasuar me atë që kishte.
“Ushtrinë e kemi më të fortë se kurrë, i kemi ndarë buxhet dyfish më shumë krahasuar me atë që kishte dhe atë po e rrisim çdo vit. Ia shtuam 1852 ushtarë të rinj dhe 600 tjerë i kemi paraparë për vitin e ardhshëm. Ka armatim më shumë sepse investimet i kemi rritur 191%, gati trefishin”, deklaroi Kurti.
(Kosova Sot Online)