Dhëndëri ther me thikë babain e gruas në Prishtinë

Një 52-vjeçar, dyshohet se është therur me thikë për vdekje nga dhëndri i tij dje në rrugën “Ali Vitia” në Prishtinë, përcjell “Kosova Sot Online”.

Personi i dyshuar për këtë rast është i moshës 29-vjeçare.

Lajmin për vrasjen e 52-vjeçarit e ka konfirmuar edhe zëdhënësja e policisë për Rajonin e Prishtinës, Florie Ahmeti.

“Sot rreth orës 22:00 policia ka marrë informatën për një lëndim të rëndë trupor, në rrugën “Ali Vitia”, në Prishtinë. Menjëherë në vendin e ngjarjes kanë dalë njësitet e nevojshme policore. Bazuar në të dhënat fillestare, dyshohet se nga arma e ftohtë (thikë) lëndime të rënda trupore, ka pësuar një person, i cili është dërguar për tretman mjekësor, në QKUK, nga ku jemi njoftuar se personi i lënduar nuk ka arritë të përballoj plagët dhe i njëjti ka ndërruar jetë”, tha Ahmeti.

Policia tha se është në kërkim të personit të dyshuar, i cili është identifikuar tashmë nga organet e rendit.

“Aktualisht hetuesit policor, në koordinim me prokurorin e shtetit, janë në kërkim të personit të dyshuarit ( i identifikuar) si dhe kanë nisë hetim për ndriçimin, sqarimin e të gjitha rrethanave që kanë të bëjnë me këtë ngjarje”, tha Ahmeti.

(Kosova Sot Online)