Donika Gërvalla: Ndërkombëtarët po më thonë që PK-ja po pranohet nga qytetarët në veri

Ministrja për Punë të Jashtme dhe Diasporë, Donika Gërvalla-Schwarz, ka treguar se përfaqësues të shumë shteteve të ndryshme i kanë thënë se janë të habitur se sa të pranishme dhe të pranueshme janë institucionet e sigurisë së Kosovës në veri të vendit, përcjell “Kosova Sot Online”.

“Shtrirja e sovranitetit në të gjithë territorin e Republikës së Kosovës është natyrisht e lidhur me forcimin e shtetit ligjor. Mirëpo dua të ndaj me ju një përshtypje të cilën ma kanë shfaqur shumë përfaqësues të shteteve të ndryshme që kanë vizituar Kosovën, edhe veriun gjatë muajve të fundit, edhe të cilët kanë shprehur një far habie se sa të pranishme, por edhe të pranueshme janë institucionet tona të sigurisë në veri”, ka thënë Gërvalla-Schëarz.

“Pritjet e tyre kur vijnë në Kosovë janë që ka një refuzim total që qytetarët serb të Republikës së Kosovës e shohin praninë e institucioneve tona të sigurisë dhe të drejtësie si të padëshirueshme. Ndërsa eksperienca që kanë këta njerëz që shkojnë ne veri është krejt e kundërt e asaj, pa dashur të jem naive dhe të neglizhoj problemet e shumta që kemi”, ka shtuar kryediplomatja.

(Kosova Sot Online)