“Ra nga kati i dytë i një hoteli në Graçanicë”, çfarë thuhet në raportin e Policisë për 34-vjeçaren që vdiq dje
Policia e Kosovës ka dhënë detaje në raportin 24-orësh, lidhur me vdekjen e 34-vjeçares në Graçanicë, përcjell “Kosova Sot Online”.
Sipas Policisë, dyshohet se e njëjta ka rënë nga kati i dytë i hotelit.
Ndërsa, me vendim të prokurorit, trupi i pajetë i viktimës është dërguar për obduksion në Institutin e Mjekësisë Ligjore.
Policia ka njoftuar se rasti është duke u hetuar.
“Graqanicë / 28.12.2023 – 03:23. Njësitet policore pasi kanë pranuar informatën se një person dyshohet se ka rënë nga kati i dytë i një hoteli, kanë dalë në vendin e ngjarjes dhe kanë gjetur viktimën femër e cila dyshohej pa shenja jete, ndërsa ekipi mjekësor ka konstatuar vdekjen e saj. Me vendim të prokurorit, trupi i pajetë i viktimës është dërguar në IML për obduksion. Rasti duke u hetuar”, thuhet në raport.
(Kosova Sot Online)