Gjendet i vdekur personi që ishte raportuar si i zhdukur para tre ditësh nga familjarët në Istog
Policia e Kosovës ka njoftuar se është gjetur i vdekur personi që ishte raportuar i zhdukur nga familjarët para tri ditësh në fshatin Baicë të Istogut, përcjell “Kosova Sot Online”.
Me vendim të prokurorit, në trupi i pajetë është dërguar në IML për obduksion.
Policia ka nisur hetimet lidhur me këtë rast
“Fsh. Baicë, Istog 10.01.2024-20:00. Në lidhje me rastin, është raportuar se me 12.01.2024 nga familjarët është gjetur viktima mashkull kosovar pa shenja jete, vdekjen e të cilit e ka konstatuar ekip mjekësor. Me vendim të prokurorit, në trupi i pajetë është dërguar në IML për obduksion”, thuhet në raport.
Zhdukjen e tij e kishte raportuar në Polici vëllai i tij.
“PERSONA TË ZHDUKUR – Fsh. Baicë, Istog 10.01.2024 – 20:00. Ankuesi mashkull kosovar ka informuar se vëllai i tij mashkull kosovar (me probleme psikike) është larguar nga shtëpia dhe nuk është kthyer më. Rasti është duke u hetuar”, kishte njoftuar Policia.
(Kosova Sot Online)
