Kompletohet Bordi i BQK-së, u emëruan edhe dy zëvendësguvernator

  • S.A /
  • 24 January 2024 - 12:21
Kompletohet Bordi i BQK-së, u emëruan edhe dy zëvendësguvernator

Janë emëruar sot edhe dy zëvendësguvernator të Bankës Qendrore të Kosovës.  Zëvendësguvernatorët e emëruar  Nesrin Shileku – Shala dhe Milot Cakaj, transmeton "Kosova Sot Online ".

 Sipas njoftimit ata do të jenë përgjegjës primar për fushën e Mbikëqyrjes Financiare, Praktikat e Tregut, Rishqyrtimin dhe Shërbimet e Përgjithshme. Kështu me emërimin e tyre është kompletuar Bordi Ekzekutiv i BQK-së.

Bordi i Bankës Qendrore të Republikës së Kosovës në mbledhjen e mbajtur më 24 janar 2024 ka emëruar dy zëvendësguvernatorë, duke kompletuar kështu Bordin Ekzekutiv, sipas Strukturës së re Organizative të miratuar në muajin nëntor 2024, bazuar në rekomandimet dhe praktikat më të mira ndërkombëtare.

Përzgjedhja është bërë sipas kërkesave të Ligjit të BQK-së përmes një procesi konkurrues dhe meritor, me propozim të Guvernatorit.

Zëvendësguvernatorët e emëruar znj. Nesrin Shileku – Shala dhe z. Milot Cakaj do të jenë përgjegjës primar për fushën e Mbikëqyrjes Financiare, Praktikat e Tregut, Rishqyrtimin dhe Shërbimet e Përgjithshme.

Të tre zëvendësguvernatorët së bashku me Guvernatorin përbëjnë Bordin Ekzekutiv, vendimet e të cilit janë kolegjiale.

Me përfundimin e këtij procesi plotësohen të gjitha strukturat vendimmarrëse të BQK-së të përcaktuara në Ligjin e BQK-së dhe Strukturën Organizative. Këto ndër të tjera ishin edhe kërkesat nga Programi i Fondit Monetar Ndërkombëtar, si dhe rekomandime nga misionet e tij.

(Kosova Sot Online )