Lexoni edhe:
Bulliqi: kam marrë vendim për ndalimin e posedimit të telefonit gjatë procesit mësimor nga nxënësit, mësimdhënësit, stafi profesional
Abbott-i po mban takime lamtumirëse si ambasador i Mbretërisë së Bashkuar
Ambasadori i Britanisë së Madhe, Nicholas Abbott, është duke qëndruar në ditët e fundit të tij me mision në Kosovë. Abbott-i po mban takime lamtumirëse me figura të ndryshme të politikës dhe jo vetëm, transmeton "Kosova Sot Online ".
Dje u takua me kryetarin e AAK-së, Ramush Haradinajn, për të cilin tha se ishte ndër të parët që e priti kur erdhi me detyrë në shtator të vitit 2019.
“Ndërsa hyj në javët e fundit të mia në Kosovë, kam filluar të bëj takimet lamtumirëse. Takimi im i parë i tillë ka qenë me Ramush Haradinajn. Një nga takimet e mia të para zyrtare si ambasador ishte me zotin Haradinaj, i cili në atë kohë ishte ende kryeministër dhe ne kemi reflektuar për zhvillimet e shumta që nga ajo kohë.
Do të jem gjithmonë mirënjohës për gatishmërinë e tij për të ofruar perspektivën dhe këshillat e tij, si dhe përkushtimin e tij të vendosur për marrëdhëniet Mbretëri e Bashkuar-Kosovë” ka shkruar Abbott-i, në platformën X. Pasues i Abbott do të jetë Jonathan Hargreaves.
(Kosova Sot Online )
