Ambasadori amerikan në Kosovë e takon Vuçiqin për shkak të çështjeve të rëndësishme në rajon
Ambasadori amerikan, Christopher Hill, ka takuar presidentin e Serbisë, Aleksandar Vuçiq me të cilin ka diskutuar për shumë çështje të rëndësishme në rajon, si dhe, sipas pretendimit të Vuçiqit “për pozitën e serbëve në Kosovë”, përcjell “Kosova Sot Online”.
“Një bisedë e hapur me ambasadorin Christopher Hill për pozitën e serbëve në Kosovë, situatën e ndërlikuar gjeopolitike dhe çështje të tjera me interes të përbashkët”, ka shkruar Vuçiq në llogarinë e tij zyrtare në Instagram.
“E ritheksova se Serbia mbetet e përkushtuar për ruajtjen e paqes dhe stabilitetit në rajon, si dhe për përmirësimin e mëtejshëm të marrëdhënieve bilaterale dhe bashkëpunimit mes dy vendeve tona”, ka shkruar Vuçiq në llogarinë e tij, duke mos treguar se çfarë ka thënë ambasadori amerikan.
(Kosova Sot Online)