Lexoni edhe:
Shumica e shqiptarëve në Kosovë e Shqipëri do votonin pro referendumit për bashkim
Rivali i Real Madridit synon të nënshkruajë me Arda Gulerin
Arda Guler ka pasur një fillim të vështirë në Real Madrid, megjithëse ai po bën më të mirën për t’i dhënë vetes një mundësi për të qenë më i përfshirë në të ardhmen, transmeton "Kosova Sot Online ".
Megjithatë, mund të mos jetë e mjaftueshme për të ndaluar një largim të përkohshëm në verë, me zyrtarët e “Los Blancos” që po mendojnë një lëvizje huazimi për adoleshentin turk.
Guler ka nevojë për kohë të rregullt për të luajtur, diçka që nuk ka gjasa të ndodhë në Real Madrid, të paktën jo në sezonin e ardhshëm.
Kësisoj, një huazim mund t’i bëjë mirë në karrierë dhe kjo pritet që të ndodhë në verën e këtij viti.
Për 19-vjeçarin nuk mungon interesimi dhe sipas “elMira”, Sevilla do të ishte shumë e interesuar ta huazojë mesfushorin për sezonin e ardhshëm, nëse Real Madridi jep dritën e gjelbër.
Megjithatë, marrëdhëniet midis dy klubeve nuk janë më të mirat të mundshme, pasi u prishen kur “Los Nervionenses” raportuan Real Madridin në Federatën Spanjolle të Futbollit për videot e tyre të diskutueshme të gjyqtarëve. Kjo mund të bëjë që Real Madridi të konsiderojë klube të tjera përpara Sevillas.Për Arda Gulerin interesim raportohet se ka shfaqur edhe Milani.
(Kosova Sot Online )
