Istog: Policia nis hetimet për vdekjen e një foshnje, në QKMF u dërgua pa shenja jete
Policia e Kosovës ka nisur hetimet lidhur me vdekjen e një foshnje e moshës rreth një muaj e gjysmë në Istog, që ishte dërguar pa shenja jete në Qendrën Kryesore të Mjekësisë Familjare, përcjell “Kosova Sot Online”.
Me vendim të prokurorit, trupi i pajetë është dërguar për obduksion në Institutin e Mjekësisë Ligjore.
“HETIM I VDEKJES – Fsh. Rakosh, Istog 23.05.2024 – 07:45. Në QKMF është sjellë pa shenja jete një foshnje e moshës rreth një muaj e gjysmë. Vdekjen e viktimës e ka konstatuar mjeku kujdestar. Me vendim të prokurorit trupi i pajetë është dërguar në IML për obduksion”, thuhet në raport.
(Kosova Sot Online)
