Shpallje FSDSK- SHQIPE
Në pajtim me nenin 18 të Ligjit mbi Themelimin e Sistemit për Sigurimin e Depozitave për Institucionet Financiare në Kosovë, Ligji Nr: 03/L-216 (i ndryshuar dhe i plotësuar me nenin 15 të Ligjit Nr: 04/L-133), Komisioni i Bordit Menaxhues të Fondit për Sigurimin e Depozitave të Kosovës (FSDK), më datë 2 Maj 2019 publikon:
Ri-Shpallje për pozitën:
Drejtor/eshë Menaxhues/e i/e Fondit për Sigurimin e Depozitave në Kosovë, anëtar ekzekutiv i Bordit Menaxhues me mandat pesë vjeçar
Profili i kërkuar:
- I/E njohur për standard të lartë të integritetit dhe reputacionit;
- Arsimim të lartë profesional në çështje financiare, bankare apo ligjore;
- Minimum pesë (5) vite përvojë pune profesionale në çështje bankare, financiare apo ligjore;
- Minimum pesë (5) vite përvojë në pozita menaxhuese
- Njohuri të sektorit financiar dhe bankar dhe rregullativës
- Aftësi organizimi, caktimit të objektivave dhe planifikimit vjetor dhe strategjik;
- Aftësi të përcaktimit të prioriteteve dhe punës nën presion
- Aftësi komunikim, koordinimi, bashkëpunimi dhe negocimi
- Njohja e gjuhës angleze dhe gjuhëve të tjera paraqet përparësi
- Pa asnjë mandat politik, aktualisht apo në vitin paraprak;
- Pa histori paraprake të punësimit, si dhe, pa angazhim si drejtues ose anëtar i Bordit Drejtues në ndonjë institucion financiar që pranon depozita në Kosovë së paku për një vit (1) para anëtaresimit në bord të FSDK-së
- Në mënyrë specifike të plotësojë kriteret e përshtatshmërisë sipas nenit 20, paragrafët 1.1-1.4 Ligji Nr: 03/L-216
Drejtori/resha Menaxhues/e i/e FSDK është Zyrtar Kryesor Operacional, i/e punësuar me orar të plotë dhe jep llogari Bordit Menaxhues, me përgjegjësitë e mëposhtme:
- Përfaqësimin dhe menaxhimin e punës dhe veprimtarisë së FSDK-së dhe implementimin e vendimeve politike të Bordit Menaxhues
- Propozimin e rekomandimeve për Bordin Menaxhues për përmirësimin e operacioneve të Fondit;
- Përgatitjen dhe propozimin e planit strategjik për zhvillim institutional të FSDK-së
- Përgatitjen dhe propozimin e planit vjetor të aktiviteteve dhe planit financiar, përfshirë shumën e vlerësuar të premiumeve ndaj institucionit të siguruar dhe paraqitjen e pasqyrave vjetore financiare për aprovim nga Bordi Menaxhues;
- Përgatitjen dhe propozimin e raportit vjetor të FSDK-së
- Propozimin e politikës investuese për aprovim nga Bordi Menaxhues;
- Propozon aranzhime të financimit për nevoja të likuiditetit të FSDK-së për miratim nga Bordi Menaxhues
- Propozimin e strukturës organizative dhe numrit të personelit të FSDK-së; dhe
- Kryerjen e aktiviteteve të tjera në përputhje me ligjin , përfshirë prezentimin, në baza të rregullta, të çështjeve të lartëpërmendura në Bordin Menaxhues.
Kandidatët e interesuar duhet të dërgojnë CV-në e detajuar dhe letrën motivuese në e-mailin: [email protected].
Afati i fundit për aplikim është e 17 Maj 2019.
Vetëm kandidatët e përzgjedhur për intervistë do të kontaktohen.