Tradhtia ka filluar të bëhet formë e epidemisë , por shteti dhe kombi nuk janë mall për shitje në pazar

Shkruan: ANALISTI-Skënder Mulliqi

E kemi pru në pyetje identitetin tonë, kemi degraduar në brendi si shoqëri. Janë degraduar në mënyrë të pashembullt edhe të drejtat tona elementare, është vu në ankand edhe liria jonë personale. Po humbet edhe njerëzorja brenda nesh. Interesat primitive personale po promovohen në krye të jetës politike – shtetërore, si ekzemplar intelektual dhe dinakëri politike. Ideja globale e shoqërisë ka tretman krejt tjetër si në formë ashtu edhe në brendinë e saj. Vlerat njerëzore merren si kriteri bazë në relacion të ekzistimit të botës njerëzore.

Lexoni edhe:

Delegacioni i madh evropian në Prishtinë dhe Beograd, një rast vendimtar për shtensionim

Asnjë thënie tjetër, sot nuk është më shumë në qendër të vëmendjes edhe në kuptimin semantik së fjala, “Tradhtarë”. Janë shumë shkaktarë, duke filluar nga ato më banalet të manipulimeve, dhe keqpërdorimeve në opinionin e gjerë publik. Disa po “promovojnë“ armiq të se drejtës dhe të shtetit, deri në atë masë të dekadencës antropologjike, e cila po na dërgon në shkatërrim. Në shoqërinë e sotme globale fjala ”Tradhtarë” është bërë diçka e tepruar. Sa jemi të lidhur dhe punojmë për vendin dhe popullin aq edhe jemi atdhetare apo tradhtarë. Nëse mbetemi pezull të shprehem ashtu, nëse nuk marrim obligime, madje as morale për shtet si qytetarë të këtij vendi, atëherë nuk kemi peshë dhe as vlerë. Nga qasja jonë karshi familjes, atdheut, varet së a do të mbesim vetëm mall për shitje, apo vlera të mëdha shoqërore e kombëtare. Shteti dhe kombi nuk janë mall për shitje në pazar! Kjo është gjeja më tragjike, që mund t’i ndodhë një kombi. E kemi pru në pyetje identitetin tonë, kemi degraduar në brendi si shoqëri. Janë degraduar në mënyrë të pashembullt edhe të drejtat tona elementare, është vu në ankand edhe liria jonë personale. Po humbet edhe njerëzorja brenda nesh. Interesat primitive personale po promovohen në krye të jetës politike – shtetërore, si ekzemplar intelektual dhe dinakëri politike… Ideja globale e shoqërisë ka tretman krejt tjetër si në formë ashtu edhe në brendinë e saj. Vlerat njerëzore merren si kriteri bazë në relacion të ekzistimit të botës njerëzore. Shqiptarëve iu duhet përqafimi i vlerave civilizuese, e jo antivlerave dhe koncepteve politike dehumanizuese autokratike. Na duhen horizonte të reja në planin politiko-kulturor, jo margjinalizimi i etikës morale, dinjitetit dhe traditave të mira, të cilat i kemi, e shumë po i humbim. Çka është tradhtia?Sipas shumë filozofeve pa ndihmën e normave dhe zakoneve njerëzore, edhe tradhtia bëhet faktike, e cila pastaj rrënon çdo të drejtë zakonore, duke pru në pikëpyetje edhe sigurinë e popullit, si vlera më sublime e tij. Tradhtia ka filluar të bëhet formë e epidemisë. Kjo çka po ndodhë më neve është e çuditshme. Po e shesim lirë emrin dhe lirinë ?! Kjo është kur fytyra po del pas prapanice?! A ka mundësi që fytyra jonë të kthehet ka njerëzorja shumë e humbur…? Sigurisht se po.

Shkrimet në këtë rubrikë nuk shprehin qëndrimet e gazetës "Kosova Sot Online".