Lexoni edhe:
Milani e prezanton fanellën e tretë për sezonin 2020/21
Juventusi dëshiron t’i transferojë dy sulmuesit e Barcelonës, Luis Suarez dhe Antoine Griezmann, të cilët pritet të largohen gjatë kësaj vere.
Mediat italiane raportojnë se bardhezinjtë shpresojnë se do ta gjejnë një zgjidhje për ta hequr qafe sulmuesin e vet Gonzalo Higuain dhe të lirohen nga paga e tij e lartë, para se të investojnë në tregun e transferimeve të kësaj vere.
Ideja e drejtuesve të Juves është ta sjellin dyshen Suarez-Griezmann në Torino, duke e shfrytëzuar rrëmujën e shkaktuar në klubin e Barcelonës pas eliminimit turpërues nga Liga e Kampionëve pas humbjes 8:2 kundër Bayern Munich.
Mediat në Spanjë shkruajnë se Barça do ta rindërtojë skuadrën dhe se të dy Suarez dhe Griezmann do të shiten.
Milani e prezanton fanellën e tretë për sezonin 2020/21Lexoni edhe:
Juventusi është në kërkim të një sulmuesi klasik këtë verë dhe ndër emrat e përfolur janë edhe Arek Milik i Napolit, Alexandre Lacazette i Arsenalit dhe Raul Jimenez i Wolves.
(Kosova Sot Online )