Lexoni edhe:
Capello: Jimenez mund të jetë ‘Benzema i ri’ për Ronaldon
RAC1: “Messi i ka thënë Koemanit se e sheh veten jashtë Barcelonës”
Leo Messi e ka seriozisht. Gjatë ditës së djeshme, Ronald Koeman, trajneri i ri i Barcelonës, kërkoi menjëherë takim me kapitenin e skuadrës, Lionel Messi. Gjithçka u realizua dhe sipas RAC1 ata u takuan dhe diskutuan për shumë gjëra. Megjithatë, nga burime të sigurta, RAC1 raporton tani se Leo Messi disa herë ia ka përsëritur atij se tani për tani e sheh vetën më shumë jashtë Barcelonës se sa brenda.
Gjithçka do të varet nga reagimi i klubit në gjitha aspektet, pasi humbja 8-2 nga Bayern Munich në Ligën e Kampionëve ishte një goditje e madhe dhe e ka zgjuar klubin nga gjumi për të bërë ndryshime, por ky reagim mund të jetë i vonshëm pasi Messi nuk është duke bërë shaka, ai me të vërtetë është me një këmbë jashtë Barcelonës.
Sido që të jetë, ai edhe mund të mbetet në Barcelonë, më shumë për shkak të kontratës që ka, pasi asnjë klub nuk është i gatshëm të paguajë 400 milionë euro për Messin, kontrata e të cilit me Barçën i skadon në vitin 2021 – atëherë mund të largohet me parametra zero.
(Kosova Sot Online )
