Lexoni edhe:
Në ditën e takimit në Shtëpi të Bardhë, vendoset flamuri i Kosovës te Liqeni i Ujmanit
Babai i Messit le të kuptohet se Leo do të qëndrojë në Barcelonë
Babai dhe menaxheri i Lionel Messit, Jorge, ka lënë të kuptohet se djali i tij do të mbetet në Barcelonë deri në verën e vitit 2021. Jorge mbërriti në Barcelonë nga Argjentina të mërkurën dhe e mbajti një takim gati dyorësh me presidentin e Barçës, Josep Bartomeu.Jorge Messi u tha gazetarëve pasi mbërriti në Barcelonë se nuk dinte se çfarë do të ndodhte me të ardhmen e të birit. Por duket se gjërat kanë ndryshuar pas takimit me Bartomeun. Messi e ka kaluar tërë karrierën në Camp Nou. Ai ka thyer rekorde të panumërta në fanellën e Barcelonës
Babai i tij ka thënë për Mediaset se bisedimet me Barcelonën kanë shkuar mirë dhe se ka mundësi që të arrihet një ujdi që Messi të vazhdojë të jetë lojtar i gjigantit katalonas. I pyetur nëse gjashtë herë fituesi i Topit të Artë mund të mbetet në Camp Nou deri në përfundim të marrëveshjes aktuale me klubin në vitin 2021, Jorge tha: “Po”. Trajneri i ri i Barçës, Ronald Koeman, ka thënë se dëshiron ta ndërtojë ekipin rreth Messit.
(Kosova Sot Online )
