Lexoni edhe:
Ylli i Real Madridit mbërrin në Milan
Herë me një këmbë jashtë dhe herë me një këmbë brenda – vazhdon të mos dihet e ardhmja e Leo Messit.
Jorge Messi, babai i Lionel Messit, të mërkurën deklaroi se e sheh “të vështirë” qëndrimin në djalit të tij në Barcelonë. Por, 24 orë më vonë, pas takimit të dytë me Josep Maria Bartomeu, duket se gjërat janë qetësuar paksa.
Ylli i Real Madridit mbërrin në Milan Lexoni edhe:
Sipas ‘Mediaset’, me t’u largua nga zyret e Barcelonës pas takimit të enjten në mëngjes, Jorge Messi u tha gazetarëve se Leo ka shanse të qëndrojë, derisa AS e ka demantuar këtë nga burime të sigurta me futbollistin, duke raportuar se përgjigjja e babait të Messit ishte: “nuk e di”.
Momentalisht ata janë mbledhur në shtëpinë e Leos dhe së shpejti mund të merret një vendim për të ardhmen e Messit.
Sido që të jetë, Rivaldo, legjenda e Brazilit dhe Barcelonës, shpreson të qëndrojë, pasi sipas tij, kjo gjë do të kalonte dhe fansat do ta donin edhe më shumë, edhe pse me një tjetër futbollist – mund të kishte ndodhur e kundërta.
“Negociatat po vazhdojnë mes Lionel Messit dhe Barcelonës, lojtari dhe klubi po mundohen të arrijnë një marrëveshje për të ardmen e argjentinasit. Nëse Messi qëndron edhe një sezon, s’do të ishte aspak problem”.
“Tifozët ende kanë dashuri të madhe për të dhe e dinë se ai është lojtar legjendar që ende mund të bëjë diferencën për klubin, kështu që gjërat mund të përfundojnë ende mirë”.
“Shumë gjëra mund të ndodhin në javët e ardhshme, ai mund të largohet, mund të qëndrojë për një sezon apo edhe ta vazhdojë kontratën – por nëse qëndron në klub, nuk i imagjinoi fansat në ‘Camp Nou’ duke e vërshëllyer ose diçka të ngjashme, aspak”.
(Kosova Sot Online )