NBA: Miami në finale, Lakers në epërsi kundë Rockets

  • G.G /
  • 09 September 2020 - 13:14
NBA: Miami në finale, Lakers në epërsi kundë Rockets

Këtë herë Milwaukee Bucks pa Giannis Antetokounmpo nuk mund të bënte asgjë.

Miami Heat tregoi një provë krenarie në ndeshjen e 5-të play-off mes tyre dhe me meritë arriti të triumfonte duke u kualifikuar në finalen e Konferencës së Lindjes aty ku do të gjejë përballë një mes Boston Celtics dhe Toronto Raptors me skuadrën më të titulluar të NBA që për momentin kryeson 3-2 me ndeshje në duelin mes tyre.

94-103 ishte rezultati i sfidës së 5-të mes Bucks dhe Heats të zhvilluar në HP Field House të Orlandos. Pa Giannis Antetokounmpon i cili e ndoqi të gjithë ndeshjen nga stoli, Miami e kishte më të thjeshtë të fitonte sfidën, një takim i fituar falë paraqitjes së mirë të dyshesh Goran Dragic-Jimmy Butler.

Nga 17 pikë shënuan secili, ndërkohë që Butler e ndihmoi skuadrën nga Florida edhe me 10 rebound e 6 asiste. Mori kryesimin 2-1 me ndeshje ndërkohë Los Angeles Lakers që arriti të mposhte në sfidën e tretë Houston Rockets me rezultatin 112-102.

Meritat shkojnë të gjitha për dyshen fantastike Lebron James-Anthony Davis të cilët sëbashku realizuan në total 61 pikë. Me 36 pikë 7 rebound dhe 5 asiste, mbreti James ishte basketbollisti më i mirë mbi parket për Lakers, ndërsa Davis spikati me 25 pikë dhe 15 rebound.

Nuk mundi të evitonte humbjen skuadra tekase pavarsisht se dyshja Harden-Westbrook koleksionoi në total 63 pikë. 

(Kosova Sot Online)