Në Serie A pesë zëvendësime edhe për sezonin 2020/2021

  • A.P /
  • 10 September 2020 - 16:58
Në Serie A pesë zëvendësime edhe për sezonin 2020/2021

Pesë zëvendësime në një ndeshje, një gjë e tillë do të vazhdohet të aplikohet edhe sezonin e ri, të paktën në Serie A është pothuajse e kryer, është marrë vendimi.

Presidenti i FIGC (Federata Italian e Futbollit), Gabriele Gravina, pas një takimi me numrin 1 të FIFA-s, Gianni Infantino, dhe kryeministrin italian, Giuseppe Conte, dha një njoftim të rëndësishëm për Serinë A, që do të nisë javën e ardhshme.

“Seria A na ka kërkuar që të aplikojmë pesë zëvendësimet edhe për sezonin 2020/21. Kështu që mund të them që edhe në kampionatin tonë do të ketë pesë zëvendësime në një ndeshje”, u shpreh ai.

Ligat e tjera evropiane duket se po marrin të njëjtin vendim, duke qenë se është një zgjedhje e rëndësishme për ekipet, të cilat ndër të tjera kanë pasur në dispozicion një përgatitje fizike shumë më të reduktuar se zakonisht.

Prandaj, pesë ndryshimet mund të jenë thelbësore.

(Kosova Sot Online)