Tifozat “Kuq e Zi” tash presin edhe bashkimin e ligave në futboll dhe një Kombëtare

Pas një pune të gjatë dhe intenstive, në Tiranë, u nënshkrua marrëveshja për formimin e Ligës Unike mes Kosovës dhe Shqipërisë.

Një ligë me tetë skuadra. Katër më të mirat nga të dy vendet. Ëndrra e kamotshme bëhet realitet për formimin e një lige mes dy vendeve shqiptare, shkruan FBK.

Federata e Basketbollit e Kosovës (FBK) dhe Federata e Basketbollit e Shqipërisë (FSHB) kanë punuar një kohë të gjatë për këtë projekt madhor, që sot u bë realitet.

Marrëveshjen e nënshkruan, Presidenti i FSHB-së, Z. Avni Ponari, kryetari i FBK-së, Z. Arben Fetahu, në praninë e Znj. Besa Shahini, Ministre e Arsimit, Sportit dhe Rinisë në Shqipëri dhe Znj. Vlora Dumoshi, Ministre për Kulturë, Rini dhe Sport e Kosovës.

Formimi i Ligës Unike të basketbollit ka gëzuar edhe tifo-grupin e Kombëtares Shqiptare, Tifozat Kuq e Zi.

Ata presin që bashkimi i ligave të sporteve të ndryshme, t’i paraprijnë bashkimit kombëtar.

(Kosova Sot Online)