E konfirmon Muriqi, po shkon në Lazio për të qëndruar shkurt, shumë shkurt – ka synime më të mëdha!

Vedat Muriqi ka ateruar në Romë.

Sulmuesi i Kombëtares shqiptare do të kryejë të hënën testet mjekësore para se të nënshkruajë kontratë me Lazion, me të cilin klub dëshiron ta veshë fanellë shkurt, shumë shkurt.

Të paktën kështu la të kuptohet ai teksa tha fjalët e para me të arritur në Itali.

“Arsyeja pse e zgjodha Lazion është se ajo më kërkoi shumë mua dhe unë vlerësoj se i përshtatem stilit të lojës së këtij ekipi. Po shkoj në një ekip të ri. Synimi im i parë është të jem i suksesshëm në Romë dhe pastaj të luaj për klubet më të mëdha në botë në vitet në vijim. Tani do ta jap më të mirën nga vetja për Lazion”, deklaroi Muriqi.

Sulmuesi nga Prizreni e ka një objektiv, të luajë në nivele të larta, në një klub më të madh dhe do të punojë shumë që kjo ëndërr t’i bëhet realitet në vitin 2021.

(Kosova Sot Online)