Tonali tregon arsyen përse zgjodhi Milanin dhe numrin ‘8’

Sandro Tonali afrimi i bujshëm i Milanit në këtë merkato verore është prezantuar para mediave si futbollisti më i ri i kuqezinjve duke shfaqur të gjithë entuziasmin e tij në fjalët e para si futbollist i 7-herë kampionëve të Europës me të cilët ka bërë tifozllik që i vogël.

Tonali ka zbuluar edhe arsyen pse ka zgjedhur të mbajë mbi shpinë numrin 8 ndërsa ka dhënë një mendim edhe për interesimin e Interit duke theksuar se dëshira e tij e vetme ishte të transferohej te Milani.

“Pasioni im për Milanin ka lindur që tek ekipi im i parë, Sant’Angelo. Aty ishim të gjithë milanistë, duke përfshirë edhe babanë tim. Që i vogël kam bërë tifozllëk për kuqezinjtë. Kam biseduar me trajnerin Pioli, më ka shpjeguar se si duhet t’i përballoj disa lloj ndeshjesh.E doja me çdo kusht ardhjen në këtë klub. Cellino e kuptoi dëshirën time të madhe dhe e mbajti fjalën. I kërkova të bënte një sforco për mua dhe u tregua fantastik. Milani u bë menjëherë prioriteti im sapo mora vesh për interesimin e tyre”.

“Takimi i parë me Paolo Maldinin ka qenë i mrekullueshëm. Skuadra jonë është e nivelit të lartë. Shokët, Ibrahimovic në radhë të parë, të transmetojnë dëshirë të madhe për t’u përmirësuar dhe për të fituar”.

Numri 8? Gattuso ishte idhulli im kur isha i vogël, ky është shkaku pse e zgjodha këtë numër. Gennaro është një person i shkëlqyer. 

Interi? Agjenti im u mor me gjithçka, unë ndodhesha me pushime, nuk doja të merresha me zërat e merkatos”, deklaron Tonali.

(Kosova Sot Online)